Xe del 30 ottobre la bela notizia dada da la Voce del Popolo,"prossimo ritorno dell'aquila bicipite sulla cupola della Torre Civica"
Tuti i fiumani ga nel cor la nostra aquila che brillava su la nostra Tore ,emblema de la nostra amata città, qualche volta dovriimo tornar a ragionarghe sora.
I simboli non xe robe inutili,i ga significati che va oltre quel che i xe,insomma i xe come se diria meio "altro da se",perché digo questo,perché ragionar sul nostro simbolo a le volte fa anca piazer farlo.Allora,de la nostra aquila,tuti savemo la sua lunga storia,la xe nata bicipite e con le due teste rivolte a oriente col motto indeficienter per la fedeltà all'Imperatore.Un giorno xe rivà el Vate e in un discorso appassionado el ga infervorà i famosi legionari acrobati che i se salidi su la Tore e i ghe ga tajado una testa,per odio ai simboli austriacanti,era appena finida la grande guera control'Impero Asburgico .Poco dopo Fiume xe diventà italiana e per venti ani l `aquila monocipite xe stada el novo simbolo de un legame con la Madrepatria.
Un bruto giorno altri acrobati i la ga butà so in" malo modo",come scrivi ogi "La Voce del Popolo " la città cambiava paroni e anca el nome.Ma la fiumanità non se canzella fazilmente butando sò un simbolo,la fiumanità resta e pian pian l'aquila bicipite xe tornada ultimamente a esser el simbolo de la nostra città e adesso ,pareria, finalmente,su la Tore, tornada bicipite.
Xe vegnù per noi sessanta e più ani fa, quel bruto giorno dell'esodo e xe nato el nostro Libero Comune de Fiume in esilio e la nostra aquila monocipite de d'Annunziana memoria, xe rimasta per noi a significar la città esiliata.Più che giusto,cussi deve esser e restar per ricordar i venti ani de Italia e quela eroica opzion che ga costà sacrifici immani e non esagero.
Questo però non vol dir che i fiumani in cor non i ga l'aquila bicipite,perché quela xe el simbolo de la fiumanità antica,storica.Ecco gavemo due simboli da conservar con amor nel cor,l'aquila bicipite de la nostra fiumanità e l'aquila monocipite dell'epopea D'Annunziana che ne ga portà a esser italiani del Regno e per questo amor, esuli.Due simboli che non se annulla a vicenda,due simboli de la nostra storia.
Bicefala perché semo fiumani,monocefala perché semo esuli per amor e per sacrificio,la nostra storia non se cancella.Mi conservo l'amor per l'aquila bicefala perché xe la storia dei mii veci soto l'Austriaungheria che ga fato granda la nostra Fiume.Poi de mulo la go vista monocefala fin che non i la ga butà so,ma non basta scazelar i simboli,la famosa "damnatio memoriae" de cui xe pieni i monumenti romani e poi medioevali, dove xe scalpellade insegne, non se ga canzellà cussi la storia ,anzi,basta girar fra le nostre città medievali e su le tori cittadine dove non manca i segni dei scarpei, la storia xe rimasta raccontada istesso.
Per questo mi go in cor la nostra aquila e come fiuman la conservo e la amo bicipite e come esule la tegno con un colo taido per ricordarme e ricordar ai altri el giorno che gavemo dovù far una scelta dolorosa e traumatica come quel "colo taiado "che vedevo da mulo su la tore e me fazeva impression.Peccà che nel simbolo monocipite se ga perso l'immagine de quel colo svodo dove drento i gaveva messo el tricolor,lo go in cartolina cussì e per mi xe el vero simbolo de la nostra storia che non dimentichemo.
Alfredo Fucci, fiuman
